مرحبا صبايا
كيفكم
اليوم جايبه لكم سالفه خنفشاره
اذا هي تدل على شي فتدل على الصرقه الشديده في عائلتنا الكريمه
طبعا الكل عارف اني كنت مسافره
وين كنت ؟؟هنا السالفه....
رحت يا طويلين العمر والسلامه الارطاويه ..يمديكم على الاسم
وهي منطقه خلف المجمعه رحنا نربع هناك
طبعا المشوار 4 ساعات
بس ماشاء الله ربيع وجو يوسع الخاطر
وطبعا صورت الين قلت بس
لدرجه ان الحريم كل ماشافو شي نادوني تعاااااااالي صوري لايفوتك .. وطبعا انا اجي مسررررررعه
المهمز
ندخل في الموزوع
طبعا اول ما وصلت الرياض قلت للبنات بالمنتدى تروني كنت بفطس ويجيكم خبري ..اسم الله علي
طبعا موب انا لوحد العائله كلها تعرضت لخطر محدق.....متعوب عليها محدق
اش السالفه ؟؟.... ..تسمع بالتشويق
ثاني يوم بينما نحن نلعب ..
كنا مسوين مسابقات واسأله والجو حلو مصيفين و الساعه 12 الظهر
وكانت خالتي تكشن بخيمه المطبخ ..تكشن لغير الناطقين بالسعوديه يعني تقلقل بصل وطماط
شوي الا الشاغلات يصيحون
ناااااااااااااااااااااااااااااااااااااااااااااااااااااار
نااااااااااااااااااااااااااااااااااااااااااااااااااااار
الاحداث القادم حدثت خلال ثواني
طبعا نطينا ونجي الى نار صغيره حاولنا نطفيها بالتراب وخالتي تصيح
سريييييييييييعه الاشتعااااااااااال
شوي وتقول خالتكم بالخيمه جوى
طبعا بنت خالتي انهبلت
اميييييييييييييييييييييييييييييييييييي ماما
كلنا ارتعنا
ونجي نبي ندخل الخيمه ما قدرنا النار شابه بنصها
لفت من ورى الخيمه تبي تدخل من الباب الثاني الى وتشوفها امها عند الحمام وانتو بكرامه ورجعت قصدها تساعدنا
شوي الحريم يصيحون
نادووووووووو الرجااااااااااااااال
ونهج
وركض
طبعا الشغاله نادتهم من بدري واحنا نحاول نطفي
طبعا انا هجيت مع من هج
وتم اخلى الجميع من الخيمه والحمد لله ما احد انصاب
لاكن بقت مشكلتين
اسطوانتين غاز مليانه وقريبه جدا من النار
وجمس جنب الخيمه
طبعا اسمعو الصراخ
كل هذا انا امشي هاجه
شوي امشي شوي اوقف والتفت استنى بوووووووووووووووووووووووم
وراعي الجمس يصيح
الجممممممممممممممممممممممممممممممممممممممممممممممممممممممس
وخوالي يصيحون اسطواناااااااات الغااااااااااااااز
وربي انهم ابطال
تصرفو بسرعه جدا
اول شي اثنين من خوالي سحبو اسطوانات الغاز وهي مولعه اساسا بس مو حاره لدرجه الانفجار
معلومه لكم اسطوانات الغاز ما تنفجر الى في درجه حراره عالي جدا
طبعا شلوها ودفنوها بالتراب وكبو عليها مويه
والجمس وخروه
نفسي اني صورت لكم فحطه الجمس يوم وخروه حافر الارض حفر
كان فيه بدو جنبنا شافو الدخان وجابو وايتهم عندهم وايت مويه وهو الي بفضل الله ساعد في اطفاء الحريق
وبهذه المناسبه احب اشكرهم على فزعتهم
والحمد لله كنا تحت رحمته والله لولا رحمته كان رحنا وطي منذ مبطي
لان النار بسررررررررررعه موب طبيعيه شبت
ما تشوفون البكاء والصياح وحاله
وكل مره ماسكه بزرانها وتبكي
عاد انا من الصدمه ما بكيت
بس جلست ارتجف يومين وباقي فيني الروعه
بعد ما بكو وطلعو الي بروسهم وطفت النار جتنا حالت ضحك هستيريه
ناس قامو يضحكون وناس نامو
طبعا وش نضحك عليه
نضحك على انفسنا طلعنا لاعبايات ولا شي من الخيمه وصادفنا الرجال
ومواقف تموت ضحك
ربي سبحانه الي خلانا نتذكر المواقف المضحك اكثر من المروعه
يارب محد منكم يشوف الي شفناه
طبعا الاي انصابو خوالي الي شلو اسطوانات الغاز بس الحمد لله اصابات خفيفه
الخيمه احترقت بالي فيها
خساره ماديه كبيره بس قلعتها اهم شي الارواح
وهذي السالفه الاولى الي صارت لنا
باقي في كم سالفه بقولها لكم بعدين
هذي بعض الصور الي التقطتها لكم من المكان
الثلاثاء فبراير 23, 2010 2:04 am
والله ذاك اليوم كان مصخرة كل مكان أمشي فيه ألقى واحد 
والتصوير شيء ثاني 
بس انا كنت نايمه 
وماحسيت بشيء 
